Kya Daya bhabhi aayegi wapas ya Jethalal krega dusri shaddi
Gokuldham Society jahan roz hoti hai hasi-mazak aur dhamal, ab wahan chhaya hai suspense aur hungama! Taarak Mehta Ka Ooltah Chashmah ke upcoming episode mein, jo 13 May 2025 ko telecast hoga, ek zabardast twist dekhne ko milega — Jethalal shayad phir se shaadi karne ja rahe hain!
Haan, wahi Jethalal Champaklal Gada jo ab tak Popatlal ki shaadi se bhaagta tha aur Gada Electronics sambhalte hue hi thak jata tha, ab khud dulha banne ja raha hai! Promo mein society wedding vibes se sajti nazar aa rahi hai — lights, flowers aur full Gujarati shaadi feel. Aur sabse badi baat, Jethalal ek sherwani mein dikh raha hai, kaafi confused aur thoda ghabraya hua.
Aur shock ka level tab aur badh gaya jab Champaklal Gada (Bapuji) ne bhi shaadi ki taiyariyon mein haath bataya. Na to daanta, na danda uthaya — bas aashirwad dete dikh gaye. Society wale aur fans dono stunned hain — kya yeh asli shaadi hai ya phir Tapu Sena ki koi nayi planning?
Waise bhi, jab Tapu Sena chup hoti hai, to samajh jao kuch bada hone wala hai. Kya yeh shaadi Popatlal ko shaadi ke liye manane ka ek plan hai? Ya phir kisi charity event ka part? Ya Jethalal ki ek aur financial problem ka creative solution?
Isi beech, ek aur tension Gada Electronics mein — Jethalal ka important business data uske laptop se gayab ho gaya hai! Bagha aur Natu Kaka lag gaye hain data dhoondhne mein. Aur kahin na kahin yeh bhi news mil rahi hai ki koi purana character — ho sakta hai Sundar ya Rita Reporter — iss mystery ko solve karne wapas aaye.
Fans ka excitement peak par hai. Kya sach mein Jethalal shaadi kar rahe hain? Ya yeh sab ek bada misunderstanding hai jo hamesha ki tarah ek hilarious ending ke saath khatam hoga?
Ek baat pakki hai — Gokuldham ki shaadiyon mein twist kabhi kam nahi hote.
Toh miss mat kariye aaj raat ka episode — kyunki Gokuldham mein, Jethalal ki doosri shaadi bhi ek pehli-class confusion hai!
FOR THE LATEST UPDATE OF SERIALS, VISIT DRAMAWOW.IN
About The Author
